वाफाळता चहा
वाफाळता चहा
फारसा तसा योगायोग नाही
आला दोघांनमधल्या संवादाचा,
त्या सर्वांमध्ये एक हात
तुझा देखील होता सोबतीचा...
राग, रुसवे सारे विरले
स्पर्श होता तुझ्या प्रेमळ मिठीचा,
न विसरण्यासारखा अनुभव तुझा
दर्याच्या कुशीतल्या निवांत वेळेचा...
आज त्याला पाहता तु ही आठवलास
आस्वाद घेता पावसाच्या सरींचा,
खरं तर आवडायचा नाही तो मला पण;
प्रयत्न कधी केला नाही
प्रेमळ आग्रह तुझा डावलण्याचा...
बरसत्या सरींसोबत उजाळा दिला
आठवणींना
झेलित सरी पेला भरला मी
वाफाळत्या चहाचा,
पेला भरला मी आठवणींचा
इवलुश्याच त्या गोड मैत्रीचा...