उंबरठा
उंबरठा
1 min
165
"उंबरठा !"
ओलांडते माहेरचा ;
कन्या सासरी जाण्यासाठी,
पतीसह स्वप्नातला संसार थाटण्यासाठी !!
"उंबरठा !"
ओलांडते गृहिणी;
नोकरी व्यवसाय करण्यासाठी ,
दोघांच्या संसाराला हातभार लावण्यासाठी !!
"उंबरठा !"
ओलांडते परित्यक्ता ;
जोडीदाराला धडा शिकवण्यासाठी ,
स्वतःसह मुलांना मानाने जगवण्यासाठी !!
"उंबरठा !"
ओलांडते घटस्फोटिता ;
स्वतःचे आयुष्य जगण्यासाठी ,
सोबत मुलांचे आयुष्य घडवण्यासाठी !!
"उंबरठा !"
एकच असतो ;
स्त्रियांना ओलांडावा लागतो ,
प्रत्येक वेळी वेगळ्या कारणासाठी !!