तू

माझा समुद्र आहेस तू ,

अगदी अथांग अनंत,

कधी गंभीर कधी संथ,

उसळणाऱ्या लाटांसारखा ,

फेसाळणाऱ्या तरांगांसारखा,

कधी नितळ,कधी अस्पष्ट,

कधी झंझावात तुझा,

कधी शीतल प्रीती,

मोहून टाकणारा तुझा भास कधी,

कधी उगाच हळवे करणारे क्षण!

एकांतात वसलेली कधी कविता तू ,

कधी गर्दीतून फुलणारी गाणी तू,

नुसतं पावलांनी भिजाव तुझ्या स्पर्शाने,

मनाने देखील भुलावे तुझ्या दंशाने,

निर्मिती तुझी माझा अंत असू दे,

तुझ असणं नसणं फक्त माझ्यातच वसू दे!