मी लाभार्थी... असा

मी लाभार्थी

कायद्याने काय द्यायचं

हे न समजलेला

त्यामुळे कष्टानेच

कामे पूर्ण केलेला 

मी लाभार्थी

कागदावरच्या सार्‍या

सुविधा न घेतलेला

त्या सार्‍या मेहनतीने

उपभोगलेला

मी लाभार्थी

लॉटरी तिकीट कधीही 

न जिंकलेला

घामाच्या पैशावर नेहमीच 

टॅक्स भरलेला

मी लाभार्थी

फुकट गोष्टीकडे

दुर्लक्ष केलेला

प्रामाणिक सेवेत

समाधान मानणारा

मी लाभार्थी

तत्वाशी तड़जोड़

कधीही न केलेला

अवघड़ वाट एकटाच

चालत आलेला...