तुला माझी शपथ

लावू नको आरोप माझ्यावर तुला माझी शपथ

 शिक्षा नको निर्दोष असल्यावर तुला माझी शपथ

 देहात होता प्राण तेव्हा गारवा नाही कुठे 

ढाळू नको अश्रुंस मरणावर तुला माझी शपथ

 बदलून गेली माणसे काळाप्रमाणे कालची

पाजू नको जल बर्फ बनल्यावर तुला माझी शपथ

 गोठून गेल्या भावना माझ्या कशा थंडी विना

 हसवू नको आत्ताच रडल्यावर तुला माझी शपथ

 दीपक नसे छोटा कधीही भास्करापेक्षा सखी 

पेटव दिवा काळोख झाल्यावर तुला माझी शपथ