तुझ्या आठवणी

तुझ्या आठवणी

मागतात मला गडबडीतले

उसणे क्षण

तू माझ्या जवळ असतानाचे

होत असलेले भास अन् भ्रम

एकांताच्या काठावर

उसळतात तुझ्या आठवणी..

व्याकुळ अतिशय

करतात तुझ्या आठवणी....

तुझ्या आठवणी येतात

मनाच्या अंगणात हसतात बहरतात, मला चिडवतात

तुझ्या आठवणी

अंतर्बाह्य मला तरसवतात

तुझ्या आठवणी....

घेऊन जातात मला माळरानी

जिथे असतो आपण 

भेटलेलो कधी काळी.....

जाळतात तुझ्या आठवणी..

गाभार्‍यात जीवनाच्या

फिरतात तुझ्या आठवणी

वेध आयुष्याचा माझ्या

घेतात तुझ्या आठवणी

क्षणोक्षणी, जळीस्थळी

छळतात तुझ्या आठवणी...