टाक पाऊल पुढे

का गं उभी अशी दारात

विचारांचे काहूर उठले मनात

फिरु नकोस मागे, टाक पाऊल पुढे

उद्याचे स्वप्न घेऊन उरात ।

सारे क्षितिज तुला मोकळे

उंच झेप घे ना गगनात

अंतरी जिद्द, धैर्य ठेवून

ये ...तिमिरातुनी प्रकाशात ।

सावित्रीच्या लेकींना, कळ्यांना

जन्मसिद्ध हक्क आहे फुलण्याचा

मातीमधला वतन वारसा

आकाशावर चितारण्याचा ।

थांबू नको, चालत रहा

विझू नको, तेवत रहा

दिव्यासम उजळत रहा

सरीतासम खळाळत रहा ।