तप्त उन्हाच्या झळा
तप्त उन्हाच्या झळा
आला वैशाखाचा महिना
सुरू झाल्या उन्हाच्या झळा
चला पिऊया थंड पाणी
कोरडा पडलाय गळा
रणरणत्या या उन्हात
पळस पांगारा फुलला
लाल केशरी रंगाने या
गुलमोहर बहरला
अंगणी फुलला मोगरा
गंध त्याचा दरवळला
राजा जो सगळ्या फळांचा
चहूबाजुंनी मोहरला
तरी,
तप्त उन्हाळ्याच्या या झळा
करी तगमग जीवाची
नको नको वाटे उन्हाळा
वाट पावसाच्या येण्याची
पर्यावरण संवर्धन
मंत्र हा जपुया एकची
झाडे लावू झाडे जगवू
असेल पूजा निसर्गाची...