ताईची आठवण

येते आठवण मला

माझ्या विजया ताईची |

छान हसरा चेहरा

गोड त्या नवलाईची ||१||

येते मला आठवण

ताई तुझी वारंवार |

जेंव्हा गेलीस सोडून

झालो होतो थंडगार ||२||

येते मला आठवण

भांडू लहानपणात |

पण गट्टी आमच्यात

होई काहीच क्षणात ||३||

येते मला आठवण

तुझे प्रेमळ बोलने |

नसे आवडत तुला

माझे नकली डोलने ||४||

येते मला आठवण

देत होतो त्रास तुला |

तरी प्रेमाने वागून 

सांभाळत होती मला ||५||

येते आठवण मला

दिली नेहमीच साथ |

सुख दुःखात नेहमी

राही डोक्यावर हाथ ||६||

येते आठवण मला

भाऊबीज आनंदाचा |

अनुबंध  भावनिक

धागा रेशीम बंधाचा ||७||

येते आठवण मला

तुझा मृत्यूचा प्रसंग |

येतो  दाटून हृदय

शांती माझी होई भंग ||८||

येते आठवण जेव्हा

होते कासावीस मन |

मनी मनात रडतो

भाऊ तुझा गोवर्धन ||९||