सूर्य चंद्र प्रेमी

एक संध्याकाळ

एका समुद्राची

मध्ये तो

मागे सूर्य

आणि समोर चंद्र

तो प्रेमी

त्या दोघांचा

मग लाटा आणि किनाऱ्यांचा कोण?

त्याला सहज विचारलं एकदा

जास्त कोण आवडतं

चंद्र, सूर्य की तुझ्यातला प्रेमी

लाटांची स्पष्ट नाराजी ऐकू आली

किनाऱ्याचं रेताडपण जास्त दिसलं

पण समुद्र मात्र शांत होता

आतमध्ये वडवानल असूनही

त्याच्या मागे सूर्य आणि समोर

चंद्र होता

आणि तो तसाच त्यांचा प्रेमी....