लाइब्रेरी
प्रोफाइल
सुपर पाॅवर
सुपर पाॅवर
1 min
153
घेता घेता सकाळी
थंड पाण्याचा शाॅवर
अंगात आली माझ्या
अचानक सुपर पाॅवर
एका बोटानेच उचलली
पाण्याने भरलेली घागर
घटाघटा प्यायचा ठरवला
खारट असा अरबी सागर
डाव्या हाताने ओढू लागलो
शेतामध्ये भलामोठा नांगर
आता उचलूया म्हणालो
मारुतराया सारखा डोंगर
करंगळीवरच उचलला
पॅरीसचा आयफेल टाॅवर
करा मलाच आता प्रेसीडेंट
जसा होता आयसेन हाॅवर
कसला आलाय शाॅवर
आणि कसली सुपरपाॅवर
उठवले आईने झोपेतून
ओतून पाणी बादलीभर
मेल्या ऊठ रे आतातरी
बंद कर जागरण रात्रभर
पुरे झाले सायन्सचे प्रयोग
घाल स्वतःला स्वतःआवर
