लाइब्रेरी
प्रोफाइल
सुकलेले पान
सुकलेले पान
1 min
721
शाळेमधल्या पुस्तकात मिळाले
सुकलेले पिंपळपान
आठवणींनी घातला पिंगा
धरला फेर छान ....
जाळीदार या पानावरुनी
किती ओघळल्या गोष्टी
सवंगड्यांच्या आठवणींनी
जीव होतो कष्टी.....
मंतरलेले होते दिवस
सुगंध गात्रोगात्री
सवंगड्यांच्या मेळ्यामधे
जागून काढल्या रात्री.....
आठवणीत रमून गेलो
झालो मी बेभान
जेंव्हा पाहिले पुस्तकातले
सुकलेले पिंपळपान.......
