स्त्रीत्वाची कहाणी

21 व्या शतकातील ती

प्रगतीच्या महामार्गावर आहे

आजही कपटी समाज तिला

 मागे खेचण्याचा वाटेवर आहे।।1

आजही अडकवतात तिला

रूढी परंपरांच्या जाळ्यात

शिऊ नको म्हणतात आजही

त्या चार दिवसाच्या काळात।।2

भरल्यासमाजात तिचा  

 का होतो विनयभंग

विकृत समाजाचे त्या 

उधळलेत किती रंग?।।3

घरदार सांबाळते ती

सांभाळते सारी नाती 

एवढे सारे करूनही

पाठी अन्यायाची साडेसाती।।4

अजूनही बीभत्स वासनेला

 बकरीप्रमाणे बळी पडते

रात्री अपरात्री येण्या-जाण्यास

आजही पाऊल तिचे अडते। 5