सोनटक्का
सोनटक्का
पांढऱ्या रंगाच्या फुलाला
अति नाजूक पाकळ्या
मनाची प्रसन्नता निरंतर जपती
शुभ्रवसन सोनटक्का
उमलते कळी तिन्ही सांजेला
कोमेजुन जाते दुसऱ्या दिवसाला
किंचित हाताळणीने मलिन होती
सात्विक सोनटक्का
दिसताच क्षणी मोह आवरेना मनाला
क्षणात उचलून येते ओंजळीत
नकळत स्पर्श नाकास करती
लक्षवेधी सोनटक्का
येता जाता जीव वेडावला
पर्जन्य ऋतूत सुमन गंधाची दरवळ
मंद झुळूकी परिमळ मन भुलवीती
सुवासिक सोनटक्का