सोंगटी (प्यादा)

तुमच्या पटावरची प्रत्येक सोंगटी खास आहे;

 प्रत्येक प्याद्याला वजीर होण्याची आस आहे.

तुमची आमची सलगी जातीय सलोखा जसा;

पण शिंपडलेल्या अत्तराला गोमूत्राचा वास आहे.

तुम्ही दिलेला तुकडाच झेलला पिढीजात आम्ही;

आजही का उष्टावलीतला ठेवला घास आहे. 

सूर्य अंधारता माजलेत सारे काजवे येथे;

प्रकाशावे जग सारे.. जागेपणीचा भास आहे.

अरे त्या सतरंज्या उचलण्यापुरते का हमाल आम्ही;

हीच खंत मनात घुसमट अन मी उदास आहे.