संयमाचे मोती

मोहालाही जो करी वश

संयम नाव तयाचे

उपभोग्य मोहीनी लटा

आवळून धरी जयाचे

    इंद्रिय भोगावरी ठेवूनी

     कडेकोट कडा पहारा

     संयमाच्या माळांनी

     सजेल जीव सारा

वाणी जर असेल जहाल

तोडी नात्यांची बंधने

संयमी वाणी प्रेमळ

उधळीत शब्दसुमने

     राग-द्वेष भावना मनाची

     असो परिसीमा रागाची

    संयमी संस्कारी मोत्यांनी

  आभा खुलली व्यक्तीमत्वाची

उधळूनी रंग प्रेमाने

ताबा जीभेवरी ठेवा

जपूनी नात्यांचा गोडवा

लाभलेला सुखसौख्याचा ठेवा

    आयुष्याच्या वाटेवरती

    वेचूनी संयमाचे मोती

     अहंकारास न देता थारा

    उजळावी जीवन ज्योती