संघर्ष

ही जीवनाची वाट माय 

किती अवघड हाय ग 

जिथं जाव तिथं संघर्ष 

पुढं उभाचं ठाय ग 

ओघवतात अश्रूही...

पण पुसायला हातचं न्हाय ग 

हिन म्हणून दुखावतात 

ते मोठे लोक ग 

दुःख असले नशिबी

तरी त्याचे ओझे न्हाय ग 

माणूसपण संपलय या जगातलं 

मनी ही खंतच रहाय ग 

संघर्षाविना यश नाय 

कुणा कळतच न्हाय ग 

आयुष्य जाई रडत रडत 

संघर्ष दिशाहीन होई ग 

जातात लोकं तेच पुढं 

जे स्वतःशीच लढतात ग 

संघर्षाची वाट माय 

खरचं अवघड हाय ग