संघमित्रा

सांघिक खेळांचे । योगदान खूप ।

अविभक्त रूप । प्रकटते ।।

खेळांचा विकास । गरज काळाची ।

बाजी जिंकण्याची । नवी संधी ।।

नेतृत्व भावना । अंगी बाणवावी ।

यशामध्ये व्हावी । परिणती ।।

कबड्डी वा खोखो । क्रिकेट, साॅकर ।

गाठावे शिखर । प्रयत्नांती ।।

आत्मविश्वासाने । प्राप्त होते स्फूर्ती ।

पसरते कीर्ती । जगभर ।।

न्यायपूर्ण खेळी । नियमांना पाळा ।

दुराचार टाळा । क्रिडांगणी ।।

नाही जात-पात । नाही धर्म ।

एकमेव कर्म । खेळण्याचे ।।

राष्ट्रीय ऐक्यात । आहे खरी शोभा ।

देशाचा तो गाभा । अमोलिक ।।