स्मशान

मोठे स्मशान होते गावात बांधलेले

श्रीमंत तत्वज्ञानी राखेत सांडलेले

शत्रुत्व आज त्यांचे आगीत नष्ट झाले

शेतात दोन भाऊ आजन्म भांडलेले

पैशात पहिला मी व्यापार माणसांचा

भावात शून्य पैसे प्रेतास जाळलेले

दु:खात पाहिले मी आयुष्य भंगतांना

मातीत मूक झाले गर्वात मातलेले

सर्वांत लाडके जे साक्षात प्रेमगंगा

ते सर्व धूळ झाले लाडात वाढलेले

विश्वात शक्तिशाली श्रीमंत बादशाहा

सांगे स्मशान राजे येथेच गाळलेले

जाणून घे सखे तू हे मोल जीवनाचे

आगीत लोळ झाले गादीत लोळलेले