समजून घेशील का....?
समजून घेशील का....?
समजून घेशील का....?
जपतो तुला मी जीवापाड
तू पण मज गं जपशील का? ।
रागातही माझ्या दडले प्रेमच आहे
हे तू समजून घेशील का? ।।धृ।।
नसतोच माझा उद्देश सखे
तुझ्या मनाला दुखावण्याचे ।
शोक पाळत नाही मी
तुला सतत रडवण्याचे ।
जाणून माझ्या सद्भावनेला
अबोला तुझा हा सोडशील का? ।
रागातही माझ्या दडले प्रेमच आहे
हे तू समजून घेशील का? ।।१।।
प्रत्येक चुकीवर तुला मी बोलतो
कारण सुधारणा तुझ्यात व्हावी ।
इच्छा माझी आहे तुझे गं
शब्द असावे सर्वात प्रभावी ।
जोडुनी प्रितीचे नाते तू गं
प्रेमकाव्य आता लिहशील का? ।
रागातही माझ्या दडले प्रेमच आहे
हे तू समजून घेशील का? ।।२।।
डोळ्यात तुझ्या पाणी आले तर
जीव माझा गं तळमळतो ।
बोललो जरी तुला रागात मी
माझाच मी गं घुटमळतो ।
जन्मभराचे साथ मागतो
विसरुनी राग तू देशील का? ।
रागातही माझ्या दडले प्रेमच आहे
हे तू समजून घेशील का? ।।३।।