सलाम वीरांना

झाली पहाट आज सोनियाची,

१५ ऑगस्ट भारत स्वातंत्र्याची,

दिली आहुती आपुल्या प्राणाची,

वीर पुत्रांनी बलिदानाची ||१||

भारत स्वातंत्र्याचे स्वप्न डोळ्यात पाहिले,

प्राण उराशी घेऊनी ते देशासाठी लढले,

तमा नाही बाळगली आपुल्या जीवांची,

देशासाठी ते शत्रुवरी तुटुनी पडले ||२||

झेलल्या गोळ्या छातीवरी,

वीर अनेक धारातीर्थी पडले,

झाली गोद सुनी त्या मातांची,

जे कायम या देशासाठी लढले ||३||

झाली मुक्त भारत माता,

गगनी तिरंगा फडफडे आता,

गाऊ शुरवीरांची शौर्य गाथा,

भारत माते चरणी नमवु माथा ||४||