सख्या रे

ये जवळ तू माझ्या 

घे बाहूत मला सख्या रे

हृदयात बांध झुला

तिथे झुलेन मी सदा रे..१

प्रेमात धुंद होऊनी

फुलविण मी जीवन हे सारे

वादळ बनून ये लवकर

होऊन ये वारे..      २

वेणीत खोचला गुलाब मी

रंग अबोल जरी त्यातले

जा रात्रीच्या गर्भात

उमजेन भाव मग आतले..३

सांग कापू कसे हे अंतर

लपवीलास कुठे तो खंजर

सोसवेना भार यौवनाचा

झाले आठवणीत मी जर्जर..४

सोडून ये तू देश परका

ओठास घे चुंबून माझ्या

मिलनास अधीर पापण्याही

घेऊन ये बँण्ड बाजा..   ५