गंध तुझा

गंध तुझा नक्षत्रांच्या

चांदण्यात भरला

आठवणीच्या नभांगणी

चंद्र होऊनी वरला

  गंध तुझा रातराणीच्या

  सुगंधासवे मुरला

  वाऱ्याच्या झुळूकेसह

  माझ्या श्वासात पुरला

गंध तुझा पारिजातकाच्या

नाजूक फुलात शिरला

एक-एक फूलं वेचितांना

 फुला-फुलातं विरला

   गंध तुझा आसमंती 

   कणाकणात जिरला

   उधळूनी रंग सारे

    कुंचला हा फिरला

गंध तुझा श्रावणाच्या

सरीतूनी बरसला

तुजसवे सहवासाला

एकेक क्षणही तरसला