शिंपला

क्षीर सागरी टप्पोर शिंपला

शिंपल्या मधे माणिक मोती

प्रेमाच्या चांदण्यात अडकता

गावू लागले गाणे राती

सागर लाटा नाजूक बसता

शिंपले बघा अवचीत फाकले

स्वाती नक्षत्राचे थेंब पडता

नख शिकांत ते हासले लाजले

रातकि ड्या ची झिम्मा फुगडी

स्वर्ग सुखाची अमृत गोडी

चैत्र आंबरी शुक्रतारा

भाषा त्यांची मुकी बोबडी

असंख्य शिंपले असंख्य मोती

रात किड्यांची गाणी गाती

क्षीर सागरी ध्यानस्थ बैसले

अनादी अनंत उजळीत वाती