शाप

त्या नभाने या धरेला ,

दान द्यावे...!

विरहाच्या अश्रूंनी तिला,

स्नान द्यावे...!

सोसूनी सारा रितेपणा,

वरदान द्यावे...!

सौख्य नांदावे म्हणून,

वाण द्यावे...!

या धरेने त्या नभाला ,

मान द्यावा...!

सोसल्या विरहाचा जणू,

संदेश द्यावा...!

सौभाग्याचे लेणे लेऊन,

मिरवीत जावे...!

विरहाच्या जखमांवर ,

सुखाचा लेप द्यावा...!

त्या नभाचे या धरेवर,

प्रेम सारे...!

या धरेचे त्या नभावर ,

प्रेम सारे...!

जाणुनी मनाने एकमेका,

मान द्यावा...!

सुखाने रहा म्हणून,

परस्परांस ....शाप द्यावा!