सच्चा पोलिस शिपाई
सच्चा पोलिस शिपाई
1 min
998
*अभंग*
*सच्चा पोलिस शिपाई*
खाकी वर्दी अंगावरी
शोभून दिसते भारी
रात्र नि दिवस जारी
तैनात कामावरी//१//
दंगल असो कुठेही
सणालाही सुट्टी नाही
नि:स्वार्थीपणे तो वाही
समर्पित जीवन//२//
देश बांधवांची सेवा
कर्तव्याचा मनी ठेवा
वाटतो सदैव हेवा
अशा पोलिसाचा//३//
देश असे परिवार
देशासाठी झेली वार
विश्वासाची घट्ट दोर
टिकवतो पोलिस//४//
अन्याय वा अत्याचार
टाळतो तो व्यभिचार
बनत नाही लाचार
जपण्या स्वाभिमान//५//
गरिब श्रीमंत जन
मानून एक समान
कायद्याचा करी मान
एक सच्चा पोलीस//६//
देशाची राखण्या शान
बाळगतो अभिमान
रक्षणार्थ देतो प्राण
तोच सच्चा पोलिस//७//