साथीची मिठी...

आज म्हातारपणाच्या आठ्या 

इतक्या वर्षाच्या संसाराला

दुःखाचा डोंगर कितीही मोठा 

एकमेकांना आधार जगण्याला

उतारवयात आपल्या प्रेमाश्रूंना 

सांत्वनाची मायाळू सावली 

सोबत आठवणींच्या वाटेवर 

होऊन एक-दुसऱ्याची माऊली 

निरागस स्पर्शाचा बोलकेपणा 

सुखानंदाने अनुभवता यावा 

सोबतीचा प्रेमळ हात न मागता 

आयुष्यभर हातात असावा

अबोल भावभावना कळण्यास  

कायम साथीची मिठी मिळावी 

आपुलकीची माया दाखवण्यास 

वयाची मर्यादा कधीच नसावी