सांगायचे मला

बोलू कशी सांगू कशी

काहीच मला कळेना

तुला कसे सांगायचं

माझे मलाच जमेना

रोज मनी मी चिंतीते

आज तुला सांगायचे

मनोमनी मी ठरविते

पण शब्द न सुटायचे

केला आज निर्धार 

सांगून टाकायचं पार

खंत किती सहन करू

झुरत आले मी फार

कुणीतरी टाकलं होतं

जीव माझा राहवला नाही

बाळ म्हणून साभांळलं

कुणाला वाटलं नाही काही

माय ममतेने वाढवलं

संस्कारांनी घडवलं

यश किर्ती संपादली

नाव जगात कमावलं

आता जीव सुखावला

खंत नाही माझ्या मनाला

समजून घे मला आणि 

दाखव अभिमान जगाला