सागर लहरी

सायंकाळचा फेरफटका

सूर्यही लालेलाल झाला

पडती सूर्यकिरणे सागरात

जशी सोनेरी दुनियेची लाट

उसळून लाटा उंच उंच 

जसे बनावे शिखर 

लहानग्याची चाले घाई 

लहरींमध्ये ओलेचिंब होई

आठवते ते दिवस 

वाळूचे बांधावे ते घर

सागरकिनारी सुरुच्या 

झाडाची गत लई भारी

लाटांमध्ये पुन्हा भिजावे

ओलेचिंब व्हावे ओलेचिंब व्हावे

उसळत्या लाटा जणू 

संगीताच्या लाटा 

अथांग सागर बोले मजसी 

ये मज संग गाऊन घे गाऊन घे

जीवन गाणे गाऊन घे

माझ्या सागरात नाचून घे

जीवन असावे तर सागरासारखे

मन असावे तर सागरासारखे

अशा या सागर लहरी

अशा या सागर लहरी