ऋण स्त्रीचे

मुलगी म्हणुनी जन्माला आली

दोष होत का मुलगी म्हणून जगण्याचा

दार उघडताच आयुष्याचे

सुटकेसाठी टाहो फोडला

  मुलगी म्हणुनी शिक्का उमटवला

निशिबाने माझ्या कपाळावर

 सुखासाठी जळत राहिली

 आयुष्याच्या ह्या वळणावर

साथ दिली नाही नशिबाने 

दारिद्र चढले माझ्या माथ्यावर

ऋण स्त्रीचे राहुनी गेले

आयुष्याच्या ह्या सरणावर

ओझे दुसऱ्यांचे वाहताना

स्वतःचेच ओझे हलके झाले

यशाच्या शिखरावर पोहचण्याआधी

आयुष्य माझे संपून गेले