रक्षाबंधन

येता नारळी पौर्णिमा 

आठवितो बंधु राया

बांधू धागा विश्वासाचा 

बंधुत्वाची वसे माया

श्रावणाच्या पौर्णिमेला 

दिन रक्षा बंधनाचा

बांधे बहीण भावास

धागा प्रेम रक्षणाचा

राखी बांधता भावास 

जरी असता लहान

उभा राहातो पाठीशी 

प्रेमच तयाचे महान

सण रक्षाबंधनाला

धाव घेई भावापाशी

त्याच्या प्रेमळ मायेची

नाही तुलना कोणाशी

बहिणीच्या प्रेमापायी

पहा किती करी माया

सय येता माहेराची

आठवितो भाऊराया

कृष्ण भाऊ द्रौपदीचा

पहा कसा तिच्या पाठी

येता प्रसंग कठीण

राही उभा सदासाठी