रात्रीस खेळ चाले

दिवसभराचं आपलं ठीक आहे 

रात्री मग खेळ चालतो जणु 

ऊन सावली कि लपंडाव 

पापण्या आसवांनी जड होतात 

भरल्या मनात तुझ्या गर्द 

आठवणी दाटून येतात 

आठवणी नव्हे त्या दाटत्या 

तूच जणु आभाळ भरुन यावं 

तसाच येतोस जश्या जेष्ठाच्या 

सरींनी सरसर यावं 

डोळे ओलावतात मन भिजतं 

आठवणींच्या गारव्यात मग स्वतःलाच मिटुन बसतं 

 

ओठांच्या किनारी मंद 

हसण्याचा स्पर्श करून जाते 

क्षणात येऊन तुला मिठी 

मारावं वाटतं ,कासावीस मनाला

मनाचा आधार द्यावा वाटतो .