लाइब्रेरी
प्रोफाइल
पुढे पुढे चालावे
पुढे पुढे चालावे
1 min
236
बोट धरुनीया माता
उभे करिते जीवनी
टाकता पहिले पाऊल
आनंदते ती मनोमनी
चालावे टाकत पाउल पुढे
नियमच आहे जगण्याचा
पुढे पाऊल दावी प्रगती
साधण्या उत्कर्ष स्वतःचा
येता जरी संकटे मार्गी
सतत चला चला पुढे
अविरत धावे सरिता
पार करी कपारीचे कडे
अरुंद वाट वाकडी
घेत काळजी क्षणभरी
अनुभवाने व्हावे शहाणे
पुढे चालणे योग्य खरोखरी
पुढे पुढे चालावे
यातच आहे जीवन मर्म
साधा किटक कोळी पहा
जाळे विणण्याचे करी कर्म
