पतंग उडवू चला
पतंग उडवू चला
चला मुलांनो टेकडीवर
नाहीतर या सारे माळावर
उडवू चला पतंग सारे
आभाळी तरंगती जशी पाखरे
लाल पिवळा निळा जांभळा
नभी रंगांचा जणू सोहळा
कणी पतंगाची अचूक बांधा
मांजा ठिक पकडा,नाही तर वांधा
झेपावती मग उंच पतंग
हर्षाचे उठती मनी तरंग
साऱ्या हालचाली करा जपूनी
नको दुर्घटना आनंदाच्या क्षणी
किती मिळतो प्राणवायू पहा!
सूर्यप्रकाश असा घ्यायला हवा
फेका मोबाईलचे आभासी खेळ
आरोग्य नि खेळांचा घाला मेळ