प्रित तुझी माझी
प्रित तुझी माझी
1 min
254
तुझी माझी प्रीत जणू
पावसात बहरली
तुझ्या माझ्या या नात्याला
ओढ प्रेमाची लागली ||१||
तू येता जीवनी माझ्या
येती असे नवेपन
तुझ्या अमूल्य साथीने
बदले माझे जीवन ||२||
गैरसमज जाहला
आली कित्येक संकटे
धैर्याने सामना करू
येतील वळनी काटे ||३||
आयुष्याच्या वाटेवरी
भेट जाहली दोघांची
येतील खाचखळगे
साथ निभवु दोघांची ||४||
आपल्या दोघांचं नातं
फुलाप्रमाणे फुलावं
राग रुसवा सारुनी
आयुष्य सुखी जगावं ||५||