प्रीतिच्या बेटावर
प्रीतिच्या बेटावर
1 min
229
कुणीच नाही या वाटेवर
दोघे आपण या बेटावर
सागर पसरे बघ क्षितिजावर
ढग नाचतात मग तालावर
जरा विसावू या गवतावर
डोळ्यांत सलग बघत खोलवर
दिव्य भव्य ही सुंदरता
मनात गुंजे ही मोहकता
निवळत गेली ही दाहकता
तोड मनाची तुझी शांतता
कवेत घे हे तारे सारे
वाहत आले प्रीतिचे वारे
चुंबून हळू घे दवबिंदू
ओठांवरील हे जलबिंदू
अवतरेल बघ इथेच स्वर्ग
आहे साक्षी भव्य निसर्ग