प्रीत फुलली

प्रीत फुलली अंतरी

जीव भारावला सारा

गात मेघ मल्हारी

आसमंत गंधाळला सारा

   अधीर मन हे सख्या

   भावनांचा सोहळा सारा

   शब्द ओंजळ करूनी रिती

   पापणी देई कडा पहारा

श्वासात श्वास मिसळला

भिनला गार-गार वारा

गूज उलगडूनी प्रीतीचे

बरसल्या प्रीतीच्याच धारा

    उधळीत रंग प्रीतीचे

    घेऊनी गंध फुलांचा सारा

    भान हरपले साद घालूनी

   वेचित कुंद कळ्यांचा पसारा

अवचित भेटीची आस लागली

प्रीतीचा उठला शहारा

मन बहरले आज सख्या

भेटू दे मिलनाचा किनारा