प्रेरणा

भेट थोर संगीतकारांची

प्रभावित करी मजला

साधा सोज्वळ शांत स्वभाव

मनास स्पर्शूनी गेला

भेट ठरली तेव्हा

धाकधूक मनामधे

सर्वसामान्य आम्ही दोघे

कसे होईल भेटीमधे?

अनुमतीसह त्यांनी

पूर्ण पत्ताही दिधला

भेटीमधे अनौपचारिक

सुखसंवादही साधला

हिमालयाएवढे कर्तृत्व तरीही

खळे सरांचे पाय जमिनीवरी

गप्पा गोष्टी संवाद रंगला

उदार ते अंतःकरणी

मनोभावे घेतले दर्शन

आशिर्वाद दिधला भावे

भेट सरली तरीही

चित्र आजही मनामधे