प्रेमे करार तेव्हा

घडता प्रसंग बाका झाला थरार तेव्हा

लढण्या करात घेतो मीही कट्यार तेव्हा

कंटाळलेच होते माझ्या प्रदर्शनाला.  

आनंद खूप झाला आला रुकार तेव्हा २

बसते नटून मी पण बघण्यास साजनाला 

दिसता कटाक्ष त्याचा प्रेमे करार तेव्हा ३

जाळ्यात पारध्याने डांबून ठेवलेले 

दावून दया कुणी मज केले फरार तेव्हा ४

रस्त्यात मित्र 'सागर' मज भेटले पुराणे

वाटेवरून मळल्या तोही पसार तेव्हा