रोज रात्री

का फुले चुरगाळली तू माळलेली रोज रात्री

स्पर्श होता वेदना थरकापलेली रोज रात्री

मी दिवा बघ मंद केला वासनांचा त्याच वेळी

धुंद होतो प्रणय गात्री भाळलेली रोज रात्री

तू फुलां पुसतेस कैसी गंध कोठे तुज मिळाला

चांदणी तेव्हा नभातुन हासलेली रोज रात्री

लागल्या झाडास कैऱ्या मोहराने झाड बहरे

कैफ भूमीला तयाचा मोहलेली रोज रात्री

वागणे वाटे सखीचे वेगळे कशाने सांग 'सागर'

भावते मादक अदाती गंधलेली रोज रात्री