प्रेमदिवाना

 मी पाहिली एक नजर 

फक्त मलाच शोधणारी :

मला पाहताक्षणी 

तृप्ततेने मिटणारी .

       विरून गेलो त्यात मी 

       आकाशाला लाथा मारल्या ;

       चंद्र -चांदणी जवळ तिच्या 

       सौंदर्याच्या गाथा गायल्या .

रसरसते ओठ गुलाबी 

मोहविणारे बदामी डोळे ;

तिच्या त्या स्मितहास्याने

 मनी निर्मिले प्रेमजाळे .

        तिच्या अथांग सागरासम

        डोळ्यांत मी पोहून यावे ;

       तिच्या गोड गुलाबी नाजूक 

        ओठांचे चुंबन घ्यावे .

डोळे भरुन पहावे वाटते 

मजला तिचं निखळलेलं रूप ;

 नाजूक तिच्या कांतीला

 सहन होणार नाही धूप .

        असा साधाभोळा प्रियकर मी 

         प्रीत माझी जगावेगळी ;

          प्रेमात तुझ्या प्रिये ,

         तहानभूक विसरतो सगळी.