प्रेमबंधन
प्रेमबंधन
तुझं माझ्यावरचं प्रेम म्हणजे,
तुझा चॉकलेट वरचा चावा जणू. . .
दबक्या हातानी धरलेला,
माझ्या " प्रेमाचा-'भर-वसा' " जणू. . .
जेव्हा तू माझा हात धरतेस,
संपुर्ण जगाला वाटेल हेवा जणू. . .
राधेच्या मधुर प्रेमातला,
कृष्णाच्या हाततला पावा जणू. . .
कैक येतील तुफानी वादळे,
तू झुगारून दिलेला इशारा जणू. . .
माझ्यावरील अतूट विश्वासाचा,
तुझ्या ध्यानी-मनी ध्यास जणू . . .
नियतीने मांडलेला खेळ,
तुझ्या चुटकीसरशी सरला जणू. . .
जोडा आपला लक्ष्मी-नारायणाचा ,
ब्रम्ह मुहूर्ताची वेळ जणू. . .
केले आरोप जरी कित्तीही मोठे,
तुझा मला न सोडण्याचा करार जणू. . .
कानमंत्र स्वच्छंदी आयुष्याचा,
तुझ्या माझ्या संसाराचा भाग जणू . . .
आवड नसली जरी आपण लोकांची,
ओढ तुझी-माझी सतत ची जणू. . .
थरथरत्या हातामध्ये गुंतला तुझा हात,
म्हातारपणातील काठी आपुले प्रेम म्हणू . .