प्रेमाचा नवस......

तुझ्या होकारासाठी गं देव ठेवले पाण्यात 

नाव गुंफिले कितीदा तुझे छान मी गाण्यात 

तुझ्या नावाचा गं राणी जप केला कोटी कोटी 

रात्री डोळाही लागेना तुझे नाव मात्र ओठी 

अन्न पाण्याने मांडला उभा माझ्याशी गं दावा 

प्रेमरोग काय असे तुही अनुभव घ्यावा 

जळी स्थळी ध्यानी मनी मला फक्त तुझे वेड 

तुला गाठावे कसे मी तुला सुरक्षा गं ‘झेड’

बाप पैलवान तुझा माय कजाग भारीच 

त्यांच्या रूपाने समोर उभी समस्या न्यारीच 

पण लावणार आता माझा प्राण मी पणाला 

तुला आणिन घरीच यंदा दिवाळी सणाला!