प्रेम

प्रेमाचे सुंदर सुंदर स्वप्न बनून,

सतत स्वप्नात तुझ्या येऊन,

तुला सतावत राहीन मी।

प्रेमाचे मोहक मादक रूप बनून,

सतत तुझ्या डोळ्यासमोर येऊन,

तुला मोहून टाकीन मी l

प्रेमाची गोड गोड गाणी गुणगुणत, 

सतत तुझ्या कानाजवळ,

येऊन गुंजत राहीन मी l

प्रेमाचा गोड मधुर रस बनून,

सतत तुझ्या ओठांवर ओलावा,

बनवून राहीन मी।

प्रेमाचे तुझ्या अंगावर झालर बनवून,

सतत तुझ्या अंगावर ओढून,

लपेटून राहीन मी l

प्रेमाची गरम-गरम ऊब बनून,

सतत तुझ्या कुशीत,

मिठीत राहीन मी।

प्रेमाच्या मायेची सुखद सावली बनून,

सतत तुझ्या आसपास,

फिरत राहीन मी l

प्रेमाचा जीवन रस बनून,

सतत तुझ्या शरीरात नसात,

वाहत संचार करत राहीन मी।

प्रेम प्रेम आणि फक्त प्रेम बनून,

सतत तुझ्या काळजाची धडकन,

बनवून, धडकत राहीन मी।