पिंपळ

रोज पिंपळावर त्या

पक्षांची शाळा भरत जाई

गुण्यागोविंदाने सर्व 

मंजुळ गीत गाई

उंच शेंड्यावर झाडाच्या

बगळा दिमाखात बसायचा

पांढराशुभ्र रंग त्याचा

किती खुलून दिसायचा

झाडाची हिरवीगार पर्ण

हवेसोबत झुलायची

फांद्यांवर झाडाच्या

मर्कट पिल्लं खेळायची

बगळे, कावळे, चिमण्या

खूप काही बोलायचे

जणूकाही सर्वजण

पाढे गुणगुणायचचे

कऱ्हाडीचे वार करून

माणसाने पिंपळ तोडला

आनंदाने खेळणाऱ्यांचा

डाव मध्येच मोडला