फुलतो श्रावण

गोपाळांच्या हर्षामध्ये हसतो श्रावण

वसुंधरेच्या अंर्तयामी रुजतो श्रावण

तहानलेल्या धरेस मिळते निर्मल पाणी

सृष्टी मधल्या हिरव्यारानी फुलतो श्रावण

शेतकऱ्यांची धान्य पेरणी आनंदाची

हिरवाईच्या शेतामध्ये डुलतो श्रावण

रिमझिम धारा, क्षणात येई तो रविराजा

कमान रंगित इंद्रधनुष्या भरतो श्रावण

शुभ्र झऱ्याचे झुळझुळ पाणी कडे कपारी

उंचावरुनी मस्त धबधबा उडतो श्रावण

उपास तपास व्रत पुजनाचा श्रावण महिना

देव देवता मांगल्याचा असतो श्रावण

प्रत्येकाच्या विश्वासाने पूजन होते

सजावटीच्या फुलवारीने सजतो श्रावण.