लाइब्रेरी
प्रोफाइल
अलगुज
अलगुज
1 min
305
तव अलगुजाची धुन
करी तनामनास बेभान
संसार पाश तोडून
धावते कालिंदीतीरी मन ।।१।।
तव पाव्याची धुन
शहारे चित्त होई विचलीत मन
तुज सवीचे गुज आठवून
भेटीस्तव आक्रंदते प्रतिदिन ।।२।।
तव बासुरीची धुन
मधु नादाचे हेच गुंजन
सुखद सहवासाची आन
यमुनातटी रासक्रिडा चिंतन ।।३।।
तव मुरलीची धुन
गुंजते गोकुळी कानोकान
गोपगोपिकांसवे चेष्टामंथन
मम बावरीचे हरपते भान ।।४।।
तव वेणूनाद गहन
द्वैत अद्वैताचे मिलन
सात्म्यसुखाची प्रचिती महान
तव पादस्पर्शे गवसे कैवल्य निधान ।।५।।
हे प्रभु दयाघना
बन्सीधारी मन मोहना
तुज येवो मम करूणा
कृपावंत व्हावे ही आस वसुदेव नंदना ।।६।।
