रंग जीवनाचे .....
रंग जीवनाचे .....
लाजवाब रंग सारे जीवनाचे .
मी कोणता सांगू हे द्वंद्व मनाचे.
माझ्या कागदाचे अपूरेपण सारे .
कसे झेलू वार नभीच्या इंद्रधनुष्याचे.
हवा हवासा वाटणारा हा ,
हिरवा रंग माझ्या सुखाचा.
आनंद आणि मनाची प्रसन्नता,
घेऊन येणारा, हा मोर वनीचा.
सुखा सवे नक्की येत असते ,
दुःख काळया सावळ्या रंगाचे.
माणसाला आठवण करून देते ,
आपसूक त्या सावळ्या हरीचे .
जीवनातील अनमोल रंग पिवळा,
आहे त्याग आणि समरपणाचा .
जगण्याला तो अर्थ देईल ,
महान वारसा हा मानवतेचा .
प्रेम रंगले गुलाबी रंगात .
विविध छटांनी ते साकारते .
मनाच्या अंतरंगात, या रंगांचे .
सदैव मंथन सुरू राहते .