पहिली भेट

पहिली भेट

पहिली भेट माझी जेव्हा कवितेशी झाली

खर सांगू मनकल्पनांना मोकळी वाट मिळाली

पहिल्या भेटीतच मनीची कळी खुलली

कविता जेव्हा माझ्या मनातलंच बोलली

नवनवीन विषयांशी हिच्यामुळे ओळख झाली

शब्दांची सुरेख गुंफण कविता माझी फुलली

भावना कुठल्याही कवितेतून होती व्यक्त

न बोलताही प्रत्येक कल्पना शब्दांतून झाली मुक्त

नसती झाली पहिली भेट कवितेशी

नसती मिळाली जी आता मिळते आहे खुशी