पाऊस माझ्या मनातला...

निळया सावळ्या मेघ मल्हाराचं गीत

पाऊसलेल्या धरेचीही वेडी प्रीत

 मातीतून उठला मृदगंध दरवळे अत्तर 

नभ धरतीच्या मैफीलीतलं मिटलं अंतर

बेधुंद मनू अन बेफाम कोसळणारा 

उन्मादाचे क्षितीज तोलत बरसणारा

पिसाटाचा वारा चिंब चिंब भिजलेला 

थेंबाचं पैजण पायी बांधलेला 

कोवळी पालवी सोबत कोवळे शहारे

मखमली ऋतुरंगांचे अनोखे पहारे 

तुझ्यातून फुलला संसार प्रत्येक कणातला

याच धुंदीत हलकेच बरसला पाऊस मनातला